nahin ishq men is kaa to ranj hamen ki qaraar o shakeb zaraa na raha

Nahin ishq men is kaa to ranj hamen ki qaraar o shakeb zaraa na raha Gham-e-ishq to apna rafeeq raha koi aur balaa se raha na raha Diyaa apnee khudee ko jo ham ne uThaa wo jo parda saa biich men tha na raha Rahe parde men ab na wo parda-nasheen koi doosraa us ke sivaa na raha Na thee haal kee jab hamen khabar rahe dekhte auron ke aib o hunar PaDee apnee buraa.iyon par jo nazar to nigaah men koi buraa na raha Tire rukh ke khayaal men kaun se din uThe mujh pe na fitna-e-roz-e-jazaa Tiree zulf ke dhyaan men kaun see shab mire sar pe hujoom-e-balaa na raha Hamen saaghar-e-baada ke dene men ab kare der jo saaqee to haa.e ghazab Ki ye ahd-e-nashaat ye daur-e-tarab na rahegaa jahaan men sadaa na raha Ka.ee roz men aaj wo mehr-liqaa huaa mere jo saamne jalva-numaa Mujhe sabr o qaraar zaraa na raha use paas-e-hijaab-o-hayaa na raha Tire khanjar o tegh kee aab-e-ravaan huee jab ki sabeel-e-sitam-zadgaan Ga.e kitne hee qaafile khushk-zabaan koi tishna-e-aab-e-baqaa na raha Mujhe saaf bataa.e nigaar agar to ye poochhoon main ro ro ke khoon-e-jigar Male paanv se kis ke hain deeda-e-tar kaf-e-paa pe jo rang-e-hinaa na raha Use chaahaa tha main ne ki rok rakhoon miree jaan bhee jaa.e to jaane na duun Kiye laakh fareb karoD fusoon na raha na raha na raha na raha Lage yuun to hazaaron hee teer-e-sitam ki taDapte rahe paDe khaak pe ham Vale naaz o karishma kee tegh-e-do-dam lagee aisi ki tasma lagaa na raha 'zafar' aadmee us ko na jaaniyegaa wo ho kaisaa hee saahab-e-fahm-o-zakaa Jise aish men yaad-e-khuda na rahi jise taish men khauf-e-khuda na raha