nibaah baat kaa us hiila gar se Kuch na huaa

Nibaah baat kaa us heela-gar se Kuch na huaa Idhar se kya na huaa par udhar se Kuch na huaa Javaab-e-saaf to laataa agar na laataa khat Likhaa naseeb kaa jo naama-bar se Kuch na huaa Hamesha fitne hee barpaa kiye mire sar par Huaa ye aur to us fitna-gar se Kuch na huaa Balaa se girya-e-shab too hee Kuch asar kartaa Agarche ishq men aah-e-sahar se Kuch na huaa Jalaa jalaa ke kiyaa sham.a saan tamaam mujhe Bas aur to mujhe soz-e-jigar se Kuch na huaa Raheen adoo se vahee garm-joshiyaan us kee Is aah-e-sard aur is chashm-e-tar se Kuch na huaa UThaayaa ishq men kya kya na dard-e-sar main ne Husool par mujhe us dard-e-sar se Kuch na huaa Shab-e-visaal men bhee meree jaan ko aaraam Azeezo dard-e-judaa.ee ke Dar se Kuch na huaa Na doongaa dil use main ye hamesha kahtaa thaa Wo aaj le hee gaya aur 'zafar' se Kuch na huaa