paan khaa kar surma ki tahriir phir khiinchii to kya

Paan khaa kar surma kee tahreer phir kheenchee to kya Jab miraa Khoon ho chukaa shamsheer phir kheenchee to kya Ai muhavvis jab ki zar tere naseebon men naheen Too ne mehnat bhee pai-e-ikseer phir kheenchee to kya Gar khinche siine se naavak ruuh too qaalib se kheench Ai ajal jab khinch gaya wo tiir phir kheenchee to kya Kheenchtaa thaa paanv meraa pahle hee zanjeer se Ai junoon too ne miree zanjeer phir kheenchee to kya Daar hee par us ne kheenchaa jab sar-e-baazaar-e-ishq Laash bhee meree pai-e-tashheer phir kheenchee to kya Kheench ab naala koee aisa ki ho us ko asar Too ne ai dil aah-e-pur-taaseer phir kheenchee to kya Chaahiye us kaa tasavvur hee se naqsha kheenchnaa Dekh kar tasveer ko tasveer phir kheenchee to kya Kheench le avval hee se dil kee inaan-e-ikhtiyaar Too ne gar ai aashiq-e-dil-geer phir kheenchee to kya Kya huaa aage uThaa.e gar 'zafar' ehsaan-e-aql Aur agar ab minnat-e-tadbeer phir kheenchee to kya