paan ki surkhii nahin lab par but e Khoon khvaar ke

Paan kee surkhee nahin lab par but-e-khoon-khvaar ke Lag gaya hai khoon-e-aashiq munh ko is talvaar ke Khaal-e-aariz dekh lo halqe men zulf-e-yaar ke Maar-e-mohra gar na dekhaa ho dahan men maar ke Anjum-e-taabaan falak par jaantee hai jis ko khalq Kuch sharaare hain wo meree aah-e-aatish-baar ke Tooba-e-jannat se us ko kaam kya hai hoor-vash Jo ki hain aasooda saa.e men tiree deevaar ke Poochhte ho haal kya meraa qimaar-e-ishq men JhaaD baiThaa haath main naqd-e-dil-o-deen haar ke Ye huee taaseer ishq-e-koh-kan se sang-e-aab Ashk jaaree ab talak chashmon se hain kohsaar ke Hai wo be-vahdat ki jo samjhe hai kufr o diin men farq Rakhtee hai tasbeeh rishta taar se zunnaar ke Waada-e-deedaar jo Thahraa qayaamat par to yaan Roz hotee hai qayaamat shauq men deedaar ke Hoshiyaaree hai yahee kiije 'zafar' is se hazar Dekhiye jis ko nashe men baada-e-pindaar ke