qaaruun uthaa ke sar pe sunaa ganj le chalaa

Qaaroon uThaa ke sar pe sunaa ganj le chalaa Dunya se kya bakheel ba-juz ranj le chalaa Minnat thee bosa-e-lab-e-sheereen ki dil miraa Mujh ko soo-e-mazaar-e-shakar ganj le chalaa Saaqee sambhaaltaa hai to jaldee mujhe sambhaal Varna uDaa ke paan nasha-e-banj le chalaa DauDaa ke haath chhaatee pe ham un kee yuun phire Jaise koi chor aa ke ho naaranj le chalaa Chausar kaa lutf ye hai ki jis vaqt po paDe Ham bar-chahaar bole to bar-panj le chalaa Jis dam 'zafar' ne paDh ke ghazal haath se rakhee Aankhon pe rakh har ek sukhan-sanj le chalaa