sab rang men us gul ki mire shaan hai maujuud

Sab rang men us gul kee mire shaan hai maujood Ghaafil too zaraa dekh wo har aan hai maujood Har taar kaa daaman ke mire kar ke tabarruk Sar-basta har ik khaar-e-bayaabaan hai maujood Uryaani-e-tan hai ye ba-az-khil.at-e-shaahee Ham ko ye tire ishq men saamaan hai maujood Kis tarah lagaave koi daamaan ko tire haath Hone ko too ab dast-o-garebaan hai maujood Letaa hee raha raat tire rukh kee balaa.en Too poochh le ye zulf-e-pareshaan hai maujood Tum chashm-e-haqeeqat se agar aap ko dekho Aa.eena-e-haq men dil-e-insaan hai maujood Kahtaa hai 'zafar' hain ye sukhan aage sabhon ke Jo koi yahaan saahib-e-irfaan hai maujood