tufta jaanon kaa ilaaj ai ahl e daanish aur hai

Tufta-jaanon kaa ilaaj ai ahl-e-daanish aur hai Ishq kee aatish balaa hai us kee sozish aur hai Kyuun na vahshat men chubhe har moo ba-shakl-e-neesh-tez Khaar-e-gham kee tere deevaane kee kaavish aur hai Mutribo baa-saaz aao tum hamaaree bazm men Saaz-o-saamaan se tumhaaree itnee saazish aur hai Thooktaa bhee dukhtar-e-raz par nahin mast-e-alast Jo ki hai us faahisha par ghash wo faahish aur hai Taab kya ham-taab hove us se khursheed-e-falak Aaftaab-e-daagh-e-dil kee apne taabish aur hai Sab miTaa den dil se hain jitnee ki us men khvaahishen Gar hamen maaloom ho Kuch us kee khwaish aur hai Abr mat ham-chashm honaa chashm-e-Dariya-baar se Teree baarish aur hai aur us kee baarish aur hai Hai to gardish charkh kee bhee fitna-angezee men taaq Teree chashm-e-fitna-zaa kee lek gardish aur hai But-parastee jis se hove haq-parastee ai 'zafar' Kya kahoon tujh se ki wo tarz-e-parastish aur hai