vaan iraada aaj us qaatil ke dil men aur hai
— Bahadur Shah Zafar
Vaan iraada aaj us qaatil ke dil men aur hai
Aur yahaan Kuch aarzoo bismil ke dil men aur hai
Vasl kee Thahraave zaalim to kisee soorat se aaj
Varna Thahree Kuch tire maa.il ke dil men aur hai
Hai hilaal o badr men ik nuur par jo raushnee
Dil men naaqis ke hai wo kaamil ke dil men aur hai
Pahle to miltaa hai dildaaree se kya kya dilrubaa
Baandhtaa mansoobe phir wo mil ke dil men aur hai
Hai mujhe baad-az-savaal-e-bosa khvaahish vasl kee
Ye tamannaa ek is saa.il ke dil men aur hai
Go wo mahfil men na bolaa paa ga.e chitvan se ham
Aaj Kuch us raunaq-e-mahfil ke dil men aur hai
Yuun to hai wo hee dil-e-aalam ke dil men ai 'zafar'
Us kaa aalam mard-e-saahab dil ke dil men aur hai