vaan rasaaii nahin to phir kya hai

Vaan rasaa.ee naheen to phir kya hai Ye judaa.ee naheen to phir kya hai Ho mulaaqaat to safaa.ee se Aur safaa.ee naheen to phir kya hai Dilrubaa ko hai dilrubaa.ee shart Dilrubaa.ee naheen to phir kya hai Gila hota hai aashnaa.ee men Aashnaa.ee naheen to phir kya hai Allaah allaah re un buton kaa ghuroor Ye khuda.ee naheen to phir kya hai Maut aa.ee to Tal naheen saktee Aur aa.ee naheen to phir kya hai Magas-e-qaab aghniyaa honaa hai Be-hayaa.ee naheen to phir kya hai Bosa-e-lab dil-e-shikasta ko Momyaa.ee naheen to phir kya hai Naheen rone men gar 'zafar' taaseer Jag-hansaa.ee naheen to phir kya hai