ye qissa wo nahin tum jis ko qissa khvaan se suno

Ye qissa wo naheen tum jis ko qissa-khvaan se suno Mire fasaana-e-gham ko miree zabaan se suno Sunaao dard-e-dil apna to dam-ba-dam fariyaad Misaal-e-nai miree har ek ustukhvaan se suno Karo hazaar sitam le ke zikr kya yak yaar Shikaayat apnee tum is apne neem-jaan se suno Khuda ke vaaste ai hamdamo na bolo tum Payaam laayaa hai kya naama-bar vahaan se suno Tumhaare ishq ne rusvaa kiyaa jahaan men hamen Hamaaraa zikr na tum kyoonki ik jahaan se suno Suno tum apnee jo tegh-e-nigaah ke ausaaf Jo tum ko sunnaa ho us shokh-e-dil-sitaan se suno 'zafar' wo bosa to kya degaa par koee dushnaam Jo tum ko sunnaa ho us shokh-e-dil-sitaan se suno