zulf jo rukh par tire ai mehr e talat khul gaii

Zulf jo rukh par tire ai mehr-e-tal.at khul ga.ee Ham ko apnee teera-rozee kee haqeeqat khul ga.ee Kya tamaashaa hai rag-e-lailaa men Duubaa neshtar Fasd-e-majnoon baa.is-e-josh-e-mohabbat khul ga.ee Dil kaa sauda ik nigah par hai tiree Thahraa huaa Narkh too kya poochhtaa hai ab to qeemat khul ga.ee Aa.ine ko naaz thaa kya apne roo-e-saaf par Aankh hee par dekhte hee teree soorat khul ga.ee Thee aseeraan-e-qafas ko aarzoo parvaaz kee Khul ga.ee khiDkee qafas kee kya ki qismat khul ga.ee Tere aariz par huaa aakhir ghubaar-e-khat numood Khul ga.ee aa.eena-roo dil kee kudoorat khul ga.ee Be-takalluf aa.e tum khole hue band-e-qabaa Ab girah dil kee hamaare fil-haqeeqat khul ga.ee Baandhee zaahid ne tavakkul par kamar sau baar chust Lekin aakhir baa.is-e-sustee-e-himmat khul ga.ee Khulte khulte ruk ga.e wo un ko too ne ai 'zafar' Sach kaho kis aankh se dekhaa ki chaahat khul ga.ee