ham bayaabaanon men ghuume shahr kii sadkon pe tahle
— Basheer Munzir
Ham bayaabaanon men ghoome shahr kee saDkon pe Tahle
Dil kisee soorat to sanbhle dil kisee soorat to bahle
Zindagee ke raaste men do-ghaDee kaa saath hai ye
Apne man kee main bhee kah luun apne man kee too bhee kah le
Goyaa zinda rahnaa bhee ik jurm tere shahr men thaa
Ham har ik aahaT pe larze ham har ik dhaDkan pe dahle
Ab to taa-hadd-e-nazar veeraaniyaan phailee huee hain
Ghar kaa ye be-dar kharaaba kitnaa thaa aabaad pahle
Vaqt aisa aa gayaa hai khaamushee behtar hai 'munzir'
Baat jo kahtaa hai sun le choT jo lagtee hai sah le