hogaa kyaa chaand nagar sochte hain
— Basheer Munzir
Hogaa kyaa chaand-nagar sochte hain
Ham ba-unvaan-e-digar sochte hain
Apnaa zaahir men koee jurm na thaa
Kyuun hue shahr-badar sochte hain
Shaakh-dar-shaakh hain gum-sum taa.ir
Sar ko nehuDaa.e shajar sochte hain
Koee batlaa.e ye kyaa vaadee hai
Dam-ba-khud koh hajar sochte hain
Jaane kyuun mujh se bichhaD kar 'munzir'
Wo bhee maanind-e-bashar sochte hain