kyaa bichhad kar rah gayaa jaane bharii barsaat men

Kyaa bichhaD kar rah gayaa jaane bharee barsaat men Ek koyal kooktee hai aam ke baaghaat men Soch men gum faakhta baiThee huee hai shaakh par Baaz hai uupar to neeche ik shikaaree ghaat men Vaqt ke panchhee ko uDnaa thaa bil-aakhir uD gayaa AaDee-tirchhee kuchh lakeeren hain faqat ab haath men Koee jiitaa hai jiye gar koee martaa hai mare Aaj ke insaan ko dilchaspee hai apnee zaat men Ik ta.alluq ik mohabbat hai mujhe is shahr se Mere bachpan kaa baDaa hissa kaTaa gujraat men Jal rahee thee raat meree tap rahaa thaa meraa din Kyaa jiye manzar koee aise kaThin haalaat men