zakhm khaa ke khandaan hain pairahan dariida ham

Zakhm khaa ke khandaan hain pairahan-dareeda ham Zindagee kaa nauha ham vaqt kaa qaseeda ham Jaane tab.a ke haathon kaun ghaaT utrenge Shahr se gurezaan ham dasht se rameeda ham Zindagee kee aankhon men raat-din khaTakte hain Khas jo hain to laa-saanee khaar hain to cheeda ham Barg barg taaza hai zakhm zakhm ristaa hai Mausam-e-bahaaraan men shaakh-e-nau-bureeda ham Bazm-e-rang-o-naghma men kaun multafit hogaa Aah-e-naa-kasheeda ham harf-e-naa-shaneeda ham