abhii is taraf na nigaah kar main gazal kii palken sanvaar luun
— Bashir Badr
Abhee is taraf na nigaah kar main ghazal kee palken sanvaar luun
Miraa lafz lafz ho aa.eena tujhe aa.ine men utaar luun
Main tamaam din kaa thakaa huaa too tamaam shab kaa jagaa huaa
Zaraa Thahr jaa isee moD par tere saath shaam guzaar luun
Agar aasmaan kee numaa.ishon men mujhe bhee izn-e-qayaam ho
To main motiyon kee dukaan se tiree baaliyaan tire haar luun
Kaheen aur baanT de shohraten kaheen aur bakhsh de izzaten
Mire paas hai miraa aa.eena main kabhee na gard-o-ghubaar luun
Ka.ee ajnabee tiree raah men mire paas se yuun guzar ga.e
Jinhen dekh kar ye taDap huee tiraa naam le ke pukaar luun