hai ajiib shahr kii zindagii na safar rahaa na qayaam hai
— Bashir Badr
Hai ajiib shahr kee zindagee na safar rahaa na qayaam hai
Kaheen kaarobaar see dopahar kaheen bad-mizaaj see shaam hai
Yoonhee roz milne kee aarzoo baDee rakh-rakhaav kee guftugoo
Ye sharaafaten naheen be-gharaz ise aap se koee kaam hai
Kahaan ab duaaon kee barkaten vo naseehaten vo hidaayaten
Ye mutaalbon kaa khuloos hai ye zarooraton kaa salaam hai
Vo dilon men aag lagaa.egaa main dilon kee aag bujhaaungaa
Use apne kaam se kaam hai mujhe apne kaam se kaam hai
Na udaas ho na malaal kar kisee baat kaa na khayaal kar
Ka.ee saal ba.ad mile hain ham tire naam aaj kee shaam hai
Koee naghma dhuup ke gaanv saa koee naghma shaam kee chhaanv saa
Zaraa in parindon se poochhnaa ye kalaam kis kaa kalaam hai