kabhii yuun bhii aa mirii aankh men ki mirii nazar ko khabar na ho

Kabhee yuun bhee aa miree aankh men ki miree nazar ko khabar na ho Mujhe ek raat navaaz de magar is ke ba.ad sahar na ho Vo baDaa raheem o kareem hai mujhe ye sifat bhee ataa kare Tujhe bhoolne kee duaa karoon to miree duaa men asar na ho Mire baazuon men thakee thakee abhee mahv-e-khvaab hai chaandnee Na uThe sitaaron kee paalkee abhee aahaTon kaa guzar na ho Ye ghazal ki jaise hiran kee aankh men pichhlee raat kee chaandnee Na bujhe kharaabe kee raushnee kabhee be-charaagh ye ghar na ho Kabhee din kee dhuup men jhuum ke kabhee shab ke phuul ko chuum ke Yuun hee saath saath chalen sadaa kabhee khatm apnaa safar na ho