koii phuul dhuup kii pattiyon men hare ribbon se bandhaa huaa

Koee phuul dhuup kee pattiyon men hare ribbon se bandhaa huaa Vo ghazal kaa lahja nayaa nayaa na kahaa huaa na sunaa huaa Jise le ga.ee hai abhee havaa vo varaq thaa dil kee kitaab kaa Kaheen aansuon se miTaa huaa kaheen aansuon se likhaa huaa Ka.ee miil ret ko kaaT kar koee mauj phuul khilaa ga.ee Koee peD pyaas se mar rahaa hai nadee ke paas khaDaa huaa Vahee khat ki jis pe jagah jagah do mahakte honTon ke chaand the Kisee bhoole-bisre se taaq par tah-e-gard hogaa dabaa huaa Mujhe haadson ne sajaa sajaa ke bahut haseen banaa diyaa Miraa dil bhee jaise dulhan kaa haath ho mehndiyon se rachaa huaa Vahee shahr hai vahee raaste vahee ghar hai aur vahee lawn bhee Magar is dareeche se poochhnaa vo darakht anaar kaa kyaa huaa Mire saath jugnoo hai ham-safar magar is sharar kee bisaat kyaa Ye charaagh koee charaagh hai na jalaa huaa na bujhaa huaa