parakhnaa mat parakhne men koii apnaa nahiin rahtaa

Parakhnaa mat parakhne men koee apnaa naheen rahtaa Kisee bhee aa.ine men der tak chehra naheen rahtaa BaDe logon se milne men hamesha faasla rakhnaa Jahaan dariyaa samundar se milaa dariyaa naheen rahtaa Hazaaron sher mere so ga.e kaaghaz kee qabron men Ajab maan huun koee bachcha miraa zinda naheen rahtaa Mohabbat ek khushboo hai hamesha saath chaltee hai Koee insaan tanhaa.ee men bhee tanhaa naheen rahtaa