udaasii aasmaan hai dil miraa kitnaa akelaa hai

Udaasee aasmaan hai dil miraa kitnaa akelaa hai Parinda shaam ke pul par bahut khaamosh baiThaa hai Main jab so jaa.oon in aankhon pe apne honT rakh denaa Yaqeen aa jaa.egaa palkon tale bhee dil dhaDaktaa hai Tumhaare shahr ke saare diye to so ga.e kab ke Havaa se poochhnaa dahleez pe ye kaun jaltaa hai Agar fursat mile paanee kee tahreeron ko paDh lenaa Har ik dariyaa hazaaron saal kaa afsaana likhtaa hai Kabhee main apne haathon kee lakeeron se naheen uljhaa Mujhe ma.aloom hai qismat kaa likkhaa bhee badaltaa hai