vo apne ghar chalaa gayaa afsos mat karo

Vo apne ghar chalaa gayaa afsos mat karo Itnaa hee us kaa saath thaa afsos mat karo Insaan apne aap men majboor hai bahut Koee naheen hai bevafaa afsos mat karo Is baar tum ko aane men kuchh der ho ga.ee Thak-haar ke vo so gayaa afsos mat karo Duniyaa men aur chaahne vaale bhee hain bahut Jo honaa thaa vo ho gayaa afsos mat karo Is zindagee ke mujh pe ka.ee qarz hain magar Main jald lauT aa.oongaa afsos mat karo Ye dekho phir se aa ga.iin phoolon pe titliyaan Ik roz vo bhee aa.egaa afsos mat karo Vo tum se aaj duur hai kal paas aa.egaa Phir se khudaa milaa.egaa afsos mat karo Be-kaar jee pe bojh liye phir rahe ho tum Dil hai tumhaaraa phuul saa afsos mat karo