ye charaag be nazar hai ye sitaara be zabaan hai

Ye charaagh be-nazar hai ye sitaara be-zabaan hai Abhee tujh se miltaa-jultaa koee doosraa kahaan hai Vahee shakhs jis pe apne dil-o-jaan nisaar kar duun Vo agar khafaa naheen hai to zaroor bad-gumaan hai Kabhee paa ke tujh ko khonaa kabhee kho ke tujh ko paanaa Ye janam janam kaa rishta tire mere darmiyaan hai Mire saath chalne vaale tujhe kyaa milaa safar men Vahee dukh-bharee zameen hai vahee gham kaa aasmaan hai Main isee gumaan men barson baDaa mutma.in rahaa huun Tiraa jism be-taghayyur miraa pyaar jaavedaan hai Unheen raaston ne jin par kabhee tum the saath mere Mujhe rok rok poochhaa tiraa ham-safar kahaan hai