fasl e gul kab lutii nahin maaluum

Fasl-e-gul kab luTee nahin maa'loom Kab bahaar aa.ee thee nahin maa'loom Ham bhaTakte rahe andhere men Raushnee kab huee nahin maa'loom Kab wo guzre qareeb se dil ke Niind kab aa ga.ee nahin maa'loom Dard jab jab uThaa huaa mahsoos ChoT kab kab lagee nahin maa'loom Bebasee jis kee ziist ho us ko Ziist kee bebasee nahin maa'loom Naaz sajdon pe hai hamen lekin Naazish-e-bandagee nahin maa'loom Apnee haalat pe tere vahshee ko Kyuun hansee aa ga.ee nahin maa'loom Hosh aayaa to mai-kada na raha Haa.e kis waqt pee nahin maa'loom Meree jaanib wo dekh kar bole Hai koi ajnabee nahin maa'loom Daur-e-haazir kee bazm men 'bekal' Kaun hai aadmee nahin maa'loom Fasl-e-gul kab luTi nahin ma'lum Kab bahaar aai thi nahin ma'lum Hum bhaTakte rahe andhere mein Raushni kab hui nahin ma'lum Kab wo guzre qarib se dil ke Nind kab aa gai nahin ma'lum Dard jab jab uTha hua mahsus ChoT kab kab lagi nahin ma'lum Bebasi jis ki zist ho us ko Zist ki bebasi nahin ma'lum Naz sajdon pe hai hamein lekin Nazish-e-bandagi nahin ma'lum Apni haalat pe tere wahshi ko Kyun hansi aa gai nahin ma'lum Hosh aaya to mai-kada na raha Hae kis waqt pi nahin ma'lum Meri jaanib wo dekh kar bole Hai koi ajnabi nahin ma'lum Daur-e-hazir ki bazm mein 'bekal' Kaun hai aadmi nahin ma'lum