khud apne jurm kaa mujrim ko e tiraaf na tha

Khud apne jurm kaa mujrim ko e'tiraaf na tha Magar ye jazba ba-naam-e-junoon muaaf na tha Pighal to saktaa hai lohaa nigaah-e-azm to ho Ye pahle qaid kee deevaar men shigaaf na tha Hasad kee gard thiin bughz aur nafrat kee Mire vajood pe aisa koi ghilaaf na tha Ulajh rahe hain bahut log meree shohrat se Kisee ko yuun to koi mujh se ikhtilaaf na tha Tire jamaal se mahfil men ab sukoon saa hai Vagarna zehn kisee kaa kisee se saaf na tha Miraa naseeb ki kashtee kinaare lag na sakee Havaa kaa jhonkaa to vaise mire khilaaf na tha Jadeed lahja ye andaaz kis liye 'bekal' Tujhe to husn-e-rivaayat se inhiraaf na tha KHud apne jurm ka mujrim ko e'tiraf na tha Magar ye jazba ba-nam-e-junun muaf na tha Pighal to sakta hai loha nigah-e-azm to ho Ye pahle qaid ki diwar mein shigaf na tha Hasad ki gard thin bughz aur nafrat ki Mere wajud pe aisa koi ghilaf na tha Ulajh rahe hain bahut log meri shohrat se Kisi ko yun to koi mujh se iKHtilaf na tha Tere jamal se mahfil mein ab sukun sa hai Wagarna zehn kisi ka kisi se saf na tha Mera nasib ki kashti kinare lag na saki Hawa ka jhonka to waise mere KHilaf na tha Jadid lahja ye andaz kis liye 'bekal' Tujhe to husn-e-riwayat se inhiraf na tha