mujh ko shikastagii kaa qalaq der tak raha

Mujh ko shikastagee kaa qalaq der tak raha Kyuun chehra phir janaab kaa faq der tak raha Yuun to ka.ee kitaaben paDheen zehn men magar Mahfooz ek saada varaq der tak raha Aksar shab-e-visaal tire rooThne ke baad Ehsaas par tilism-e-ramaq der tak raha Ab hai kitaab-e-ishq men jo saada o salees Pahle wo lafz lafz-e-adaq der tak raha Sooraj ke sar ko shaam ke neze pe dekh kar Dast-e-zameen pe rang-e-shafaq der tak raha Us kaa javaab ek hee lamhe men khatm tha Phir bhee mire savaal kaa haq der tak raha 'bekal' jise bhulaa ke zamaana hai mutma.in Tujh ko hee yaad wo bhee sabaq der tak raha Mujh ko shikastagi ka qalaq der tak raha Kyun chehra phir janab ka faq der tak raha Yun to kai kitaben paDhin zehn mein magar Mahfuz ek sada waraq der tak raha Aksar shab-e-visal tere ruThne ke baad Ehsas par tilism-e-ramaq der tak raha Ab hai kitab-e-ishq mein jo sada o salis Pahle wo lafz lafz-e-adaq der tak raha Suraj ke sar ko sham ke neze pe dekh kar Dast-e-zamin pe rang-e-shafaq der tak raha Us ka jawab ek hi lamhe mein KHatm tha Phir bhi mere sawal ka haq der tak raha 'bekal' jise bhula ke zamana hai mutmain Tujh ko hi yaad wo bhi sabaq der tak raha