nazar ki fath kabhi qalb ki shikast lage

Nazar kee fat.h kabhi qalb kee shikast lage Miree hayaat paraa.e kaa band-o-bast lage Na wo nuqoosh na husn-e-kashish kee baat rahi Sanam-farosh bhee jaise khuda-parast lage Abhee milaa tha abhee phir bichhaD gaya koi Ye haadsa bhee hikaayaat-e-bood-o-hast lage Farishte dekh rahe hain zameen o charkh kaa rabt Ye faasla bhee to insaan kee ek jast lage Vahaan safeene ko pahunchaa diyaa hai toofaan ne Har ek mauj-e-balaa ab jahaan se past lage Tire hee gham ne kisee samt dekhne na diyaa Ki ab hujoom-e-tamannaa bhee tang-dast lage Jo teree bazm se 'bekal' chalaa to hosh men tha Ajiib baat hai ab wo bhee mast mast lage Nazar ki fath kabhi qalb ki shikast lage Meri hayat parae ka band-o-bast lage Na wo nuqush na husn-e-kashish ki baat rahi Sanam-farosh bhi jaise KHuda-parast lage Abhi mila tha abhi phir bichhaD gaya koi Ye hadsa bhi hikayat-e-bud-o-hast lage Farishte dekh rahe hain zamin o charKH ka rabt Ye fasla bhi to insan ki ek jast lage Wahan safine ko pahuncha diya hai tufan ne Har ek mauj-e-bala ab jahan se past lage Tere hi gham ne kisi samt dekhne na diya Ki ab hujum-e-tamanna bhi tang-dast lage Jo teri bazm se 'bekal' chala to hosh mein tha Ajib baat hai ab wo bhi mast mast lage