tamannaa ban gaii hai maaya e ilzaam kya hogaa

Tamannaa ban ga.ee hai maaya-e-ilzaam kya hogaa Magar dil hai abhee tak tishna-e-paighaam kya hogaa Vo betaab-e-tamaasha hee sahee ai taab-e-nazzaara Laraz uThtaa hai dil ye soch kar anjaam kya hogaa Yahaan jo kuch bhee hai wo partav-e-ehsaas hai saaqee Ba-juz baada javaab-e-gardish-e-ayyaam kya hogaa Kabhee jis ke yaqeen se kaa.enaat-e-ishq raushan thee Vahee ab hai aseer-e-halqa-e-auhaam kya hogaa Junoon-e-shauq kaa aalam hama mastee sahee lekin Ye aalam bhee javaab-e-shokhi-e-paighaam kya hogaa Chale to ho mizaaj-e-yaar kee pursish ko ai 'bekal' Magar ye soch lo andaaz-e-istifhaam kya hogaa Tamanna ban gai hai maya-e-ilzam kya hoga Magar dil hai abhi tak tishna-e-paigham kya hoga Wo betab-e-tamasha hi sahi ai tab-e-nazzara Laraz uThta hai dil ye soch kar anjam kya hoga Yahan jo kuch bhi hai wo partaw-e-ehsas hai saqi Ba-juz baada jawab-e-gardish-e-ayyam kya hoga Kabhi jis ke yaqin se kaenat-e-ishq raushan thi Wahi ab hai asir-e-halqa-e-auham kya hoga Junun-e-shauq ka aalam hama masti sahi lekin Ye aalam bhi jawab-e-shoKHi-e-paigham kya hoga Chale to ho mizaj-e-yar ki pursish ko ai 'bekal' Magar ye soch lo andaz-e-istifham kya hoga