to pahle meraa hi haal e tabaah likh liije

To pahle meraa hee haal-e-tabaah likh liije Phir apne aap ko aalam panaah likh liije Kitaab-e-sahraa men zikr aa.e jab samundar kaa Miree hayaat kisee kee nigaah likh liije Diyon ke qatl pe suraj kee har kiran chup hai Is ehtiyaat ko jashn-e-siyaah likh liije Labon pe amn ke naghme dilon men jang kee aag Shikast-e-azm ba-naam-e-sipaah likh liije Vo mere qatl kaa mulzim hai log kahte hain Vo chhuT sake to mujhe bhee gavaah likh liije Main apne ghar kee tabaahee sambhaal loongaa magar Zamaane bhar kaa mujhe sarbaraah likh liije Khataa.en itnee hain 'bekal' mujhe nahin ma.aloom Yahee sazaa hai miraa har gunaah likh liije To pahle mera hi haal-e-tabah likh lije Phir apne aap ko aalam panah likh lije Kitab-e-sahra mein zikr aae jab samundar ka Meri hayat kisi ki nigah likh lije Diyon ke qatl pe suraj ki har kiran chup hai Is ehtiyat ko jashn-e-siyah likh lije Labon pe amn ke naghme dilon mein jang ki aag Shikast-e-azm ba-nam-e-sipah likh lije Wo mere qatl ka mulzim hai log kahte hain Wo chhuT sake to mujhe bhi gawah likh lije Main apne ghar ki tabahi sambhaal lunga magar Zamane bhar ka mujhe sarbarah likh lije KHataen itni hain 'bekal' mujhe nahin malum Yahi saza hai mera har gunah likh lije