yuun to kahne ko tirii raah kaa patthar niklaa

Yuun to kahne ko tiree raah kaa patthar niklaa Too ne Thokar jo lagaa dee to miraa sar niklaa Log to jaa ke samundar ko jalaa aa.e hain Main jise phoonk kar aayaa wo miraa ghar niklaa Ek wo shakhs jo phoolon se bhare tha daaman Har kaf-e-gul men chhupaa.e hue khanjar niklaa Yuun to ilzaam hai toofaan pe Dubo dene kaa Tah men Dariya kee magar naav kaa langar niklaa Ghar ke ghar khaak hue jal ke nadee suukh ga.ee Phir bhee un aankhon men jhaankaa to samundar niklaa Farsh taa arsh koi naam-o-nishaan mil na sakaa Main jise DhoonDh raha tha mire andar niklaa Yun to kahne ko teri rah ka patthar nikla Tu ne Thokar jo laga di to mera sar nikla Log to ja ke samundar ko jala aae hain Main jise phunk kar aaya wo mera ghar nikla Ek wo shaKHs jo phulon se bhare tha daman Har kaf-e-gul mein chhupae hue KHanjar nikla Yun to ilzam hai tufan pe Dubo dene ka Tah mein dariya ki magar naw ka langar nikla Ghar ke ghar KHak hue jal ke nadi sukh gai Phir bhi un aankhon mein jhanka to samundar nikla Farsh ta arsh koi nam-o-nishan mil na saka Main jise DhunDh raha tha mere andar nikla