ab wo ye kah rahe hain mirii maan jaaiye

Ab wo ye kah rahe hain miree maan jaa.iye Allaah teree shaan ke qurbaan jaa.iye BigDe hue mizaaj ko pahchaan jaa.iye Seedhee tarah na maaniyegaa maan jaa.iye Kis kaa hai khauf rokne vaalaa hee kaun hai Har roz kyuun na jaa.iye mehmaan jaa.iye Mahfil men kis ne aap ko dil men chhupaa liyaa Itnon men kaun chor hai pahchaan jaa.iye Hain tevree men bal to nigaahen phiree huee Jaate hain aise aane se ausaan jaa.iye Do mushkilen hain ek jataane men shauq ke Pahle to jaan jaa.iye phir maan jaa.iye Insaan ko hai khaana-e-hastee men lutf kya Mehmaan aa.iye to pashemaan jaa.iye Go waada-e-visaal ho jhooTaa maza to hai Kyuun kar na aise jhuuT ke qurbaan jaa.iye Rah jaa.e baa'd-e-vasl bhee cheTak lagee huee Kuch rakhiye Kuch nikaal ke armaan jaa.iye Achchhee kahee ki ghair ke ghar tak zaraa chalo Main aap kaa naheen hoon nigahbaan jaa.iye Aa.e hain aap ghair ke ghar se khaDe khaDe Ye aur ko jataa.iye ehsaan, jaa.iye Donon se imtihaan-e-wafa par ye kah diyaa Manvaa.iye raqeeb ko yaa maan jaa.iye Kya bad-gumaaniyaan hain unhen mujh ko hukm hai Ghar men khuda ke bhee to na mehmaan jaa.iye Kya farz hai ki sab miree baaten qubool hain Sun sun ke Kuch na maaniye Kuch maan jaa.iye Sauda.iyaan-e-zulf men Kuch to laTak bhee ho Jannat men jaa.iye to pareshaan jaa.iye Dil ko jo dekh lo to yahee pyaar se kaho Qurbaan jaa.iye tire qurbaan jaa.iye Dil ko jo dekh lo to yahee pyaar se kaho Qurbaan jaa.iye tire qurbaan jaa.iye Jaane na doongaa aap ko be-faisla hue Dil ke muqaddame ko abhee chhaan jaa.iye Ye to bajaa ki aap ko Dunya se kya gharaz Jaatee hai jis kee jaan use jaan jaa.iye Ghusse men haath se ye nishaanee na gir paDe Daaman men le ke meraa garebaan jaa.iye Ye mukhtasar javaab milaa arz-e-vasl par Dil maantaa naheen ki tiree maan jaa.iye Wo aazmooda-kaar to hai gar valee naheen Jo Kuch bataa.e 'daagh' use maan jaa.iye