Abhi hamaarii mohabbat kisi ko kya maaluum

Abhee hamaaree mohabbat kisee ko kya ma.aloom Kisee ke dil kee haqeeqat kisee ko kya ma.aloom Yaqeen to ye hai wo khat kaa javaab likkhenge Magar navishta-e-qismat kisee ko kya ma.aloom Ba-zaahir un ko hayaa-daar log samjhe hain Hayaa men jo hai sharaarat kisee ko kya ma.aloom Qadam qadam pe tumhaare hamaare dil kee tarah Basee huee hai qayaamat kisee ko kya ma.aloom Ye ranj o aish hue hijr o vasl men ham ko Kahaan hai dozakh o jannat kisee ko kya ma.aloom Jo sakht baat sune dil to Toot jaataa hai Is aa.eene kee nazaakat kisee ko kya ma.aloom Kiyaa karen wo sunaane ko pyaar kee baaten Unhen hai mujh se adaavat kisee ko kya ma.aloom Khuda kare na phanse daam-e-ishq men koee UThaa.ee hai jo museebat kisee ko kya ma.aloom Abhee to fitne hee barpaa kiye hain aalam men UThaa.enge wo qayaamat kisee ko kya ma.aloom Janaab-e-'daagh' ke mashrab ko ham se to poochho Chhupe hue hain ye hazrat kisee ko kya ma.aloom