baat meri kabhi sunii hi nahin

Baat meree kabhee sunee hee naheen Jaante wo buree bhalee hee naheen Dil-lagee un kee dil-lagee hee naheen Ranj bhee hai faqat hansee hee naheen Lutf-e-mai tujh se kya kahoon zaahid Haa.e kam-bakht too ne pee hee naheen UD ga.ee yuun wafa zamaane se Kabhee goyaa kisee men thee hee naheen Jaan kya duun ki jaantaa hoon main Tum ne ye chiiz le ke dee hee naheen Ham to dushman ko dost kar lete Par karen kya tiree khushee hee naheen Ham tiree aarzoo pe jiite hain Ye naheen hai to zindagee hee naheen Dil-lagee dil-lagee naheen naaseh Tere dil ko abhee lagee hee naheen 'daagh' kyuun tum ko bevafaa kahtaa Wo shikaayat kaa aadmee hee naheen