dil churaa kar nazar churaaii hai

Dil churaa kar nazar churaa.ee hai LuT ga.e luT ga.e duhaa.ee hai Ek din mil ke phir nahin milte Kis qayaamat kee ye judaa.ee hai Ai asar kar na intizaar-e-duaa Maangnaa sakht be-hayaa.ee hai Main yahaan hoon vahaan hai dil meraa Naa-rasaa.ee ajab rasaa.ee hai Is tarah ahl-e-naaz naaz karen Bandagee hai ki ye khuda.ee hai Paanee pee pee ke tauba kartaa hoon Paarsaa.ee see paarsaa.ee hai Va.ada karne kaa ikhtiyaar raha Baat karne men kya buraa.ee hai Kab nikaltaa hai ab jigar se tiir Ye bhee kya teree aashnaa.ee hai 'daagh' un se dimaagh karte hain Nahin maaloom kya samaa.ee hai