falak deta hai jin ko aish un ko gam bhi hote hain

Falak deta hai jin ko 'aish un ko gham bhee hote hain Jahaan bajte hain naqqaare vaheen maatam bhee hote hain Gile shikve kahaan tak honge aadhee raat to guzree Pareshaan tum bhee hote ho pareshaan ham bhee hote hain Jo rakkhe chaaraagar kaafoor duunee aag lag jaa.e Kaheen ye zakhm-e-dil sharminda-e-marham bhee hote hain Wo aankhen saamree-fan hain wo lab 'eesaa-nafas dekho Mujhee par sehr hote hain mujhee par dam bhee hote hain Zamaana dostee par in haseenon kee na itraa.e Ye aalam-dost aksar dushman-e-aalam bhee hote hain Ba-zaahir rahnumaa hain aur dil men bad-gumaanee hai Tire kooche men jo jaataa hai aage ham bhee hote hain Hamaare aansuon kee aabdaaree aur hee kuch hai Ki yuun hone ko raushan gauhar-e-shabnam bhee hote hain Khuda ke ghar men kya hai kaam zaahid baada-khvaaron kaa Jinhen miltee nahin wo tishna-e-zamzam bhee hote hain Hamaare saath hee paidaa huaa hai 'ishq ai naaseh Judaa.ee kis tarah se ho judaa tauam bhee hote hain Nahin ghaTtee shab-e-furqat bhee aksar ham ne dekhaa hai Jo baDh jaate hain had se wo hee ghaT kar kam bhee hote hain Bachaa.oon pairahan kya chaaraagar main dast-e-vahshat se Kaheen aise garebaan daaman-e-maryam bhee hote hain Tabee'at kee kajee hargiz miTaa.e se nahin miTtee Kabhi seedhe tumhaare gesu-e-pur-kham bhee hote hain Jo kahtaa hoon ki martaa hoon to farmaate hain mar jaao Jo ghash aataa hai to mujh par hazaaron dam bhee hote hain Kisee kaa waada-e-deedaar to ai 'daagh' bar-haq hai Magar ye dekhiye dil-shaad us din ham bhee hote hain