haath nikle apne donon kaam ke

Haath nikle apne donon kaam ke Dil ko thaamaa un kaa daaman thaam ke GhoonT pee kar baada-e-gulfaam ke Bose le letaa hoon khaalee jaam ke Raat din phirtaa hai kyuun ai charkh-e-peer Tere din hain raahat o aaraam ke Is nazaakat kaa buraa ho bazm se UThte hain wo dast-e-dushman thaam ke Chashm-e-mast-e-yaar kee ik dhuum hai Aaj kal hain daur daur-e-jaam ke Yaa jigar men yaa rahegaa dil men tiir Ye hee do goshe to hain aaraam ke Wo karen uzr-e-wafa achchhee kahee Mujh pe radde rakhte hain ilzaam ke Jab qadam kaabe se rakkhaa soo-e-dair Taar uljhe jaama-e-ehraam ke Khush hain wo daur-e-falak se aaj kal Din phire hain gardish-e-ayyaam ke Aa gaya hai bhuul kar khat is taraf Wo to aashiq hain mire hamnaam ke Haath se sayyaad ke gir kar chhuree KaT ga.e halqe hamaare daam ke Qaasidon ke muntazir rehne lage PaD ga.e un ko maze paighaam ke Kya kisee dargaah men jaanaa hai aaj Sub.h se saamaan hain hammaam ke Poochhte hain hazrat-e-zaahid se rind Daam kya hain jaama-e-ehraam ke Lab utar aa.e hain wo taareef par Ham jo aadee ho ga.e dushnaam ke Daava-e-ishq-o-wafa par ye kahaa Sab bajaa lekin mire kis kaam ke Ban-sanvar kar kab bigaDtaa hai banaao Sub.h tak rahte hain jalve shaam ke Jaur se yaa lutf se puuraa kiyaa Aap peechhe paD ga.e jis kaam ke Hai gadaa-e-mai-kada bhee kya harees Bhar liye jholee men TukDe jaam ke Naala o fariyaad kee taaqat kahaan Baat kartaa hoon kalejaa thaam ke Khoogar-e-bedaad ko raahat hai maut Bhaagtaa hoon naam se aaraam ke 'daagh' ke sab harf likhte hain judaa TukDe kar Daale hamaare naam ke