is adaa se wo jafaa karte hain
— Dagh Dehlvi
Is adaa se wo jafaa karte hain
Koee jaane ki wafa karte hain
Yuun wafa ahd-e-wafa karte hain
Aap kya kahte hain kya karte hain
Ham ko chheDoge to pachhtaaoge
Hansne vaalon se hansaa karte hain
Naama-bar tujh ko saleeqa hee naheen
Kaam baaton men banaa karte hain
Chaliye aashiq kaa janaaza uTThaa
Aap baiThe hue kya karte hain
Ye bataataa naheen koee mujh ko
Dil jo aataa hai to kya karte hain
Husn kaa haq naheen rahtaa baaqee
Har adaa men wo adaa karte hain
Tiir aakhir badal-e-kaafir hai
Ham akheer aaj duaa karte hain
Rote hain ghair kaa ronaa pahron
Ye hansee mujh se hansaa karte hain
Is liye dil ko lagaa rakkhaa hai
Is men mahboob raha karte hain
Tum miloge na vahaan bhee ham se
Hashr se pahle gila karte hain
Jhaank kar rauzan-e-dar se mujh ko
Kya wo shokhee se hayaa karte hain
Us ne ehsaan jataa kar ye kahaa
Aap kis munh se gila karte hain
Roz lete hain nayaa dil dilbar
Naheen maaloom ye kya karte hain
'daagh' too dekh to kya hota hai
Jabr par sabr kiyaa karte hain