is nahin kaa koi ilaaj nahin

Is naheen kaa koee ilaaj naheen Roz kahte hain aap aaj naheen Kal jo thaa aaj wo mizaaj naheen Is talavvun kaa Kuch ilaaj naheen Aa.ina dekhte hee itraa.e Phir ye kya hai agar mizaaj naheen Le ke dil rakh lo kaam aa.egaa Go abhee tum ko ehtiyaaj naheen Ho saken ham mizaaj-daan kyoonkar Ham ko miltaa tiraa mizaaj naheen Chup lagee laal-e-jaan-fazaa ko tire Is maseehaa kaa Kuch ilaaj naheen Dil-e-be-mudda.aa khuda ne diyaa Ab kisee shai kee ehtiyaaj naheen KhoTe daamon men ye bhee kya Thahraa Dirham-e-daagh kaa rivaaj naheen Be-niyaazee kee shaan kahtee hai Bandagee kee Kuch ehtiyaaj naheen Dil-lagee keejiye raqeebon se Is tarah kaa miraa mizaaj naheen Ishq hai paadshaah-e-aalam-geer Garche zaahir men takht-o-taaj naheen Dard-e-furqat kee go davaa hai visaal Is ke qaabil bhee har mizaaj naheen Yaas ne kya bujhaa diyaa dil ko Ki taDap kaisee ikhtilaaj naheen Ham to seerat-pasand aashiq hain Khoob-roo kya jo khush-mizaaj naheen Huur se poochhtaa hoon jannat men Is jagah kya buton kaa raaj naheen Sabr bhee dil ko 'daagh' de lenge Abhee Kuch is kee ehtiyaaj naheen