kahte hain jis ko huur wo insaan tumhiin to ho

Kahte hain jis ko huur wo insaan tumheen to ho Jaatee hai jis pe jaan miree jaan tumheen to ho Matlab kee kah rahe hain wo daanaa hameen to hain Matlab kee poochhte ho wo naadaan tumheen to ho Aataa hai baad-e-zulm tumheen ko to rahm bhee Apne kiye se dil men pashemaan tumheen to ho Pachhtaaoge bahut mire dil ko ujaaD kar Is ghar men aur kaun hai mehmaan tumheen to ho Ik roz rang laa.engee ye mehrbaaniyaan Ham jaante the jaan ke khvaahaan tumheen to ho Dildaar o dil-fareb dil-aazaar o dil-sitaan Laakhon men ham kahenge ki haan haan tumheen to ho Karte ho 'daagh' duur se but-khaane ko salaam Apnee tarah ke ek musalmaan tumheen to ho