saaz ye kiina saaz kya jaanen

Saaz ye keena-saaz kya jaanen Naaz vaale niyaaz kya jaanen Sham.a-roo aap go hue lekin Lutf-e-soz-o-gudaaz kya jaanen Kab kisee dar kee jab.ha-saa.ee kee Shaikh saahab namaaz kya jaanen Jo rah-e-ishq men qadam rakkhen Wo nasheb-o-faraaz kya jaanen Poochhiye mai-kashon se lutf-e-sharaab Ye mazaa paak-baaz kya jaanen Bale chitvan tiree ghazab ree nigaah Kya karenge ye naaz kya jaanen Jin ko apnee khabar naheen ab tak Wo mire dil kaa raaz kya jaanen Hazrat-e-khizr jab shaheed na hon Lutf-e-umr-e-daraaz kya jaanen Jo guzarte hain 'daagh' par sadme Aap banda-navaaz kya jaanen