sabaq aisa padhaa diyaa tuu ne

Sabaq aisa paDhaa diyaa too ne Dil se sab Kuch bhulaa diyaa too ne Ham nikamme hue zamaane ke Kaam aisa sikhaa diyaa too ne Kuch ta'alluq raha na Dunya se Shaghl aisa bataa diyaa too ne Kis khushee kee khabar sunaa ke mujhe Gham kaa putlaa banaa diyaa too ne Kya bataa.oon ki kya liyaa main ne Kya kahoon main ki kya diyaa too ne Be-talab jo milaa milaa mujh ko Be-gharaz jo diyaa diyaa too ne Umr-e-jaaved khizr ko bakhshee Aab-e-haivaan pilaa diyaa too ne Naar-e-namrood ko kiyaa gulzaar Dost ko yuun bachaa diyaa too ne Dast-e-moosaa men faiz bakhshish hai Noor-o-lauh-o-asaa diyaa too ne Sub.h mauj-e-naseem-e-gulshan ko Nafas-e-jaan-fazaa diyaa too ne Shab-e-teera men sham-e-raushan ko Nuur khursheed kaa diyaa too ne Naghma bulbul ko rang-o-boo gul ko Dil-kash-o-khushnumaa diyaa too ne Kaheen mushtaaq se hijaab huaa Kaheen parda uThaa diyaa too ne Thaa miraa munh na qaabil-e-labbaik Kaa'ba mujh ko dikhaa diyaa too ne Jis qadar main ne tujh se khwaish kee Us se mujh ko sivaa diyaa too ne Rahbar-e-khizr-o-haadee-e-ilyaas Mujh ko wo rahnumaa diyaa too ne MiT ga.e dil se naqsh-e-baatil sab Naqsha apna jamaa diyaa too ne Hai yahee raah-e-manzil-e-maqsood Khuub raste lagaa diyaa too ne Mujh gunahgaar ko jo bakhsh diyaa To jahannum ko kya diyaa too ne 'daagh' ko kaun dene vaalaa thaa Jo diyaa ai khuda diyaa too ne