terii suurat ko dekhtaa hoon main

Teree soorat ko dekhtaa hoon main Us kee qudrat ko dekhtaa hoon main Jab huee sub.h aa ga.e naaseh Unheen hazrat ko dekhtaa hoon main Wo museebat sunee nahin jaatee Jis museebat ko dekhtaa hoon main Dekhne aa.e hain jo meree nabz Un kee soorat ko dekhtaa hoon main Maut mujh ko dikhaa.ee detee hai Jab tabee.at ko dekhtaa hoon main Shab-e-furqat uThaa uThaa kar sar Sub.h-e-ishrat ko dekhtaa hoon main Duur baiThaa huaa sar-e-mahfil Rang-e-sohbat ko dekhtaa hoon main Har museebat hai be-mazaa shab-e-gham Aafat aafat ko dekhtaa hoon main Na mohabbat ko jaante ho tum Na muravvat ko dekhtaa hoon main Koi dushman ko yuun na dekhegaa Jaise qismat ko dekhtaa hoon main Hashr men 'daagh' koi dost nahin Saaree khilqat ko dekhtaa hoon main