wo zamaana nazar nahiin aataa

Wo zamaana nazar nahin aataa Kuchh Thikaanaa nazar nahin aataa Jaan jaatee dikhaa.ee detee hai Un kaa aanaa nazar nahin aataa Ishq dar-parda phoonktaa hai aag Ye jalaanaa nazar nahin aataa Ik zamaana miree nazar men raha Ik zamaana nazar nahin aataa Dil ne is bazm men biThaa to diyaa UTh ke jaanaa nazar nahin aataa Rahiye mushtaaq-e-jalva-e-deedaar Ham ne maanaa nazar nahin aataa Le chalo mujh ko raah-ravaan-e-adam Yaan Thikaanaa nazar nahin aataa Dil pe baiThaa kahaan se teer-e-nigaah Ye nishaana nazar nahin aataa Tum milaaoge khaak men ham ko Dil milaanaa nazar nahin aataa Aap hee dekhte hain ham ko to Dil kaa aanaa nazar nahin aataa Dil-e-pur-aarzoo luTaa ai 'daagh' Wo khazaana nazar nahin aataa