ye baat baat men kya naazukii nikaltii hai

Ye baat baat men kya naazukee nikaltee hai Dabee dabee tire lab se hansee nikaltee hai Thahar Thahar ke jalaa dil ko ek baar na phoonk Ki is men boo-e-mohabbat abhee nikaltee hai Bajaa.e shikva bhee detaa huun main duaa us ko Miree zabaan se karoon kya yahee nikaltee hai Khushee men ham ne ye shokhee kabhee naheen dekhee Dam-e-itaab jo rangat tiree nikaltee hai Hazaar baar jo maangaa karo to kya haasil Duaa vahee hai jo dil se kabhee nikaltee hai Adaa se teree magar khinch raheen hain talvaaren Nigah nigah se chhuree par chhuree nikaltee hai Muheet-e-ishq men hai kya umiid o biim mujhe Ki Doob Doob ke kashtee miree nikaltee hai Jhalak rahee hai sar-e-shaakh-e-mizha khuun kee buund Shajar men pahle samar se kalee nikaltee hai Shab-e-firaaq jo khole hain ham ne zakhm-e-jigar Ye intizaar hai kab chaandnee nikaltee hai Samajh to leejiye kahne to deejiye matlab Bayaan se pahle hee mujh par chhuree nikaltee hai Ye dil kee aag hai yaa dil ke nuur kaa hai zuhoor Nafas nafas men mire raushnee nikaltee hai Kahaa jo main ne ki mar jaa.oongaa to kahte hain Hamaare zaa.iche men zindagee nikaltee hai Samajhne vaale samajhte hain pech kee taqreer Ki kuchh na kuchh tiree baaton men fee nikaltee hai Dam-e-akheer tasavvur hai kis paree-vash kaa Ki meree ruuh bhee ban kar paree nikaltee hai Sanam-kade men bhee hai husn ik khuda.ee kaa Ki jo nikaltee hai soorat paree nikaltee hai Mire nikaale na niklegee aarzoo meree Jo tum nikaalnaa chaaho abhee nikaltee hai Gham-e-firaaq men ho 'daagh' is qadar betaab Zaraa se ranj men jaan aap kee nikaltee hai