aalam e barzakh

Ye to barzakh hai yahaan vaqt kee eejaad kahaan Ik baras thaa ki maheena hamen ab yaad kahaan Vahee taptaa huaa gardoon vahee angaaraa zameen Jaa-ba-jaa tishna o aashufta vahee khaak-nasheen Shab-garaan zeest-garaan-tar hee to kar jaatee thee Sood-khoron kee tarah dar pe sahar aatee thee Ziist karne kee mashaqqat hee hamen kya kam thee Mustazaad us pe pirohit kaa junoon-e-taaza Sab ko mil jaa.e gunaahon kaa yaheen khamyaaza Naa-ravaa-daar fazaaon kee jhulastee huee luu! Mohtasib kitne nikal aa.e gharon se har soo TaaDte hain kisee chehre pe taraavat to nahin Koee lab nam to nahin bashre pe farhat to nahin Koocha koocha men nikaale hue khoonee diide Gurz uThaa.e hue dhamkaate phiraa karte hain Nau-e-aadam se bahar-taur riyaa ke taalib Ruuh be-zaar hai kyuun chhoD na jaa.e qaalib Zindagee apnee isee taur jo guzree 'ghaalib' Ham bhee kya yaad karenge ki khuda rakhte the Ye to barzaKH hai yahan waqt ki ijad kahan Ek baras tha ki mahina hamein ab yaad kahan Wahi tapta hua gardun wahi angara zamin Ja-ba-ja tishna o aashufta wahi KHak-nashin Shab-garan zist-garan-tar hi to kar jati thi Sud-KHoron ki tarah dar pe sahar aati thi Zist karne ki mashaqqat hi hamein kya kam thi Mustazad us pe pirohit ka junun-e-taza Sab ko mil jae gunahon ka yahin KHamyaza Na-rawa-dar fazaon ki jhulasti hui lu! Mohtasib kitne nikal aae gharon se har su TaDte hain kisi chehre pe tarawat to nahin Koi lab nam to nahin bashre pe farhat to nahin Kucha kucha mein nikale hue KHuni dide Gurz uThae hue dhamkate phira karte hain Nau-e-adam se bahar-taur riya ke talib Ruh be-zar hai kyun chhoD na jae qalib Zindagi apni isi taur jo guzri 'ghaalib' Hum bhi kya yaad karenge ki KHuda rakhte the