apne dost ke liye ye zard mausam ke khushk patte
— Fahmida Riaz
Ye zard mausam ke khushk patte
Havaa jinhen le ga.ee uDaa kar
Agar kabhi un ko dekh paao
To soch lenaa
Ki un men har barg kee numoo men
Ziyaan gaya araq shaakh-e-gul kaa
Kabhee ye sarsabz konplen the
Kabhee ye shaadaab bhee rahe hain
Khile hue honT kee tarah narm aur shagufta
Bahut dinon tak
Ye sabz patte
Havaa ke relon men bebasee se taDap chuke hain
Magar ye ab khushk ho rahe hain
Magar ye ab khushk ho chuke hain
Agar kabhi is taraf se guzro
To dekh lenaa
Barahna shaakhen havaa ke dil men gaDhee huee hain
Ye ab tumhaare liye nahin hain
Naheen hain
Ye zard mausam ke KHushk patte
Hawa jinhen le gai uDa kar
Agar kabhi un ko dekh pao
To soch lena
Ki un mein har barg ki numu mein
Ziyan gaya araq shaKH-e-gul ka
Kabhi ye sarsabz konplen the
Kabhi ye shadab bhi rahe hain
Khile hue honT ki tarah narm aur shagufta
Bahut dinon tak
Ye sabz patte
Hawa ke relon mein bebasi se taDap chuke hain
Magar ye ab KHushk ho rahe hain
Magar ye ab KHushk ho chuke hain
Agar kabhi is taraf se guzro
To dekh lena
Barahna shaKHen hawa ke dil mein gaDhi hui hain
Ye ab tumhaare liye nahin hain
Nahin hain