baakira

Aasmaan tapte hue lohe kee maanind safed Reg sookhee huee pyaase kee zabaan kee maanind Pyaas hulqoom men hai jism men hai jaan men hai Sar-ba-zaanoo hoon jhulaste hue registaan men Teree sarkaar men le aa.ee hoon ye vahsh zabeeh! Mujh pe laazim thee jo qurbaanee wo main ne kar dee Us kee ublee huee aankhon men abhee tak hai chamak Aur siyah-baal hain bheege hue Khoon se ab tak Teraa farmaan ye thaa us pe koi daagh na ho So ye be-aib achhootaa bhee thaa an-dekhaa bhee Be-karaan reg men sab garm lahoo jazb huaa Dekh chaadar pe miree sabt hai us kaa dhabbaa Ai khuda-vand-e-kabeer Ai jabbaar! Mutakabbir o jaleel! Haan tire naam paDhe aur kiyaa zab.h use Ab koi paara-e-abr aa.e kaheen saayaa ho Ai khuda-vand-e-azeem Baad-e-taskeen! ke nafas aag banaa jaataa hai! Qatra-e-aab ki jaan lab pe chalee aa.ee hai Aasman tapte hue lohe ki manind safed Reg sukhi hui pyase ki zaban ki manind Pyas hulqum mein hai jism mein hai jaan mein hai Sar-ba-zanu hun jhulaste hue registan mein Teri sarkar mein le aai hun ye wahsh zabih! Mujh pe lazim thi jo qurbani wo main ne kar di Us ki ubli hui aankhon mein abhi tak hai chamak Aur siyah-baal hain bhige hue KHun se ab tak Tera farman ye tha us pe koi dagh na ho So ye be-aib achhuta bhi tha an-dekha bhi Be-karan reg mein sab garm lahu jazb hua Dekh chadar pe meri sabt hai us ka dhabba Ai KHuda-wand-e-kabir Ai jabbar! Mutakabbir o jalil! Han tere nam paDhe aur kiya zabh use Ab koi para-e-abr aae kahin saya ho Ai KHuda-wand-e-azim Baad-e-taskin! ke nafas aag bana jata hai! Qatra-e-ab ki jaan lab pe chali aai hai