baithaa hai mere saamne wo

BaiThaa hai mere saamne wo Jaane kisee soch men paDaa hai Achchhee aankhen milee hain us ko Vahshat karnaa bhee aa gaya hai Bichh jaaon main us ke raaste men Phir bhee kya is se faa.eda hai Ham donon hee ye to jaante hain Vo mere liye nahin banaa hai Mere liye us ke haath kaafee Us ke liye sara falsafa hai Meree nazron se hai pareshaan Khud apnee kashish se hee khafaa hai Sab baat samajh raha hai lekin Gum-sum saa mujh ko dekhtaa hai Jaise mele men koi bachcha Apnee maan se bichhaD gaya hai Us ke siine men chhup ke ro.uun Meraa dil to ye chaahtaa hai Kaisaa khush-rang phuul hai wo Jo us ke labon pe khil raha hai Yaa rab wo mujhe kabhi na bhoole Meree tujh se yahee duaa hai BaiTha hai mere samne wo Jaane kisi soch mein paDa hai Achchhi aankhen mili hain us ko Wahshat karna bhi aa gaya hai Bichh jaun main us ke raste mein Phir bhi kya is se faeda hai Hum donon hi ye to jaante hain Wo mere liye nahin bana hai Mere liye us ke hath kafi Us ke liye sara falsafa hai Meri nazron se hai pareshan KHud apni kashish se hi KHafa hai Sab baat samajh raha hai lekin Gum-sum sa mujh ko dekhta hai Jaise mele mein koi bachcha Apni man se bichhaD gaya hai Us ke sine mein chhup ke roun Mera dil to ye chahta hai Kaisa KHush-rang phul hai wo Jo us ke labon pe khil raha hai Ya rab wo mujhe kabhi na bhule Meri tujh se yahi dua hai