ishq aavaara mizaaj ishq aavaara mizaaj

Ishq aavaara-mizaaj Vo musaafir to gaya Na koi us kee mahak hai ki jo de us kaa pata Na koi naqsh-e-kaf-e-paa Na koi us kaa nishaan Koee talkhee bhee tah-e-jaam na chhoDee us ne Zindagee baaqee hai Ek sanjeeda hansee Soch see dil men basee Tez aa.ee huee saans Zehn men thoDe se vaqfe se khaTaktee huee phaans Aur dukhtaa huaa dil ChoT thee jis pe lagee ChoT vaisee to nahin Dard baaqee to nahin Laakh maane na magar Kuchh pashemaan saa dil Yuun badal jaane par Aap hairaan saa dil Us ko kya apna pata Ye hai insaan kaa dil Koee patthar to nahin Jis pe miTtee nahin paD jaa.e jo ik baar lakeer Ishq aawara-mizaj Wo musafir to gaya Na koi us ki mahak hai ki jo de us ka pata Na koi naqsh-e-kaf-e-pa Na koi us ka nishan Koi talKHi bhi tah-e-jam na chhoDi us ne Zindagi baqi hai Ek sanjida hansi Soch si dil mein basi Tez aai hui sans Zehn mein thoDe se waqfe se khaTakti hui phans Aur dukhta hua dil ChoT thi jis pe lagi ChoT waisi to nahin Dard baqi to nahin Lakh mane na magar Kuchh pasheman sa dil Yun badal jaane par Aap hairan sa dil Us ko kya apna pata Ye hai insan ka dil Koi patthar to nahin Jis pe miTti nahin paD jae jo ek bar lakir