jo mujh men chhupaa meraa galaa ghont raha hai
— Fahmida Riaz
Jo mujh men chhupaa meraa galaa ghonT raha hai
Yaa wo koi iblees hai yaa meraa khuda hai
Jab sar men nahin ishq to chehre pe chamak hai
Ye nakhl khizaan aa.ee to shaadaab huaa hai
Kyaa meraa ziyaan hai jo muqaabil tire aa jaaon
Ye amr to ma.aloom ki too mujh se baDaa hai
Main banda-o-naachaar ki sairaab na ho paa.oon
Ai zaahir-o-maujood miraa jism duaa hai
Haan us ke ta.aaqub se mire dil men hai inkaar
Vo shakhs kisee ko na milegaa na milaa hai
Kyuun noor-e-abad dil men guzar kar nahin paataa
Siine kee siyaahi se nayaa harf likhaa hai
Jo mujh mein chhupa mera gala ghonT raha hai
Ya wo koi iblis hai ya mera KHuda hai
Jab sar mein nahin ishq to chehre pe chamak hai
Ye naKHl KHizan aai to shadab hua hai
Kya mera ziyan hai jo muqabil tere aa jaun
Ye amr to malum ki tu mujh se baDa hai
Main banda-o-nachaar ki sairab na ho paun
Ai zahir-o-maujud mera jism dua hai
Han us ke taaqub se mere dil mein hai inkar
Wo shaKHs kisi ko na milega na mila hai
Kyun nur-e-abad dil mein guzar kar nahin pata
Sine ki siyahi se naya harf likha hai